Дәстүрлі энергетика

 «Болат Нұржанов атындағы Екібастұз ГРЭС-1» ЖШС

(«Самұрық-Энерго» АҚ - 100 %)

Екібастұз ГРЭС-1 Қазақстан Республикасындағы ең ірі жылу электр станциясы болып табылады. Компания Қазақстанның солтүстік, шығыс және оңтүстік өңірлерін электр энергиясымен қамтамасыз етеді, электр энергиясының бір бөлігі Ресейге экспортталады.

Кешен қуаты 500 МВт болатын 8 энергия блогынан тұрады, станцияның жалпы белгіленген қуаты – 4 000 МВт.

2010 жылы станцияның нақты қуаты 2220 МВт-ны құрады, қолда бар  8 энергия блогының 5-еуі пайдаланылды. № 1, 2 және 8 энергия блоктары пайдаланудан шығарылды.

2010 жылдан бастап негізгі жабдықтарды жаңғырту басталды. Қазіргі уақытта 7 блок жұмыс істейді, станцияның қолда бар қуаты - 3500 МВт. Барлық энергия блоктарға ПӘК-і 99,6% болатын электр сүзгілері орнатылды.

Алдымызда бірнеше негізгі міндет тұр - № 1 энергия блогын қалпына келтіру (іске асыру мерзімі – 2024 жыл), отын жеткізуді қайта жаңарту және жаңғырту (іске асыру мерзімі – 2021 жыл), жалпы станциялық жабдықтарға күрделі жөндеу жүргізу.

№1 энергия блогы іске қосылған кезде станция жобалау қуатына қол жеткізеді.

Қаржы көрсеткіштері

Өндірістік қызметтің қорытындылары

---

«Екібастұз ГРЭС-2 станциясы» АҚ 

(«Самұрық-Энерго» АҚ - 50%, «Интер РАО» ЖАҚ - 50%)

Қаржы көрсеткіштері

Екібастұз ГРЭС-2 станциясы мемлекеттің маңызды стратегиялық объектілерінің бірі ғана емес, ең алдымен қазіргі заманғы технологиялары мен ауқымды өндірістік базасы бар электр энергиясының қуатты өндірушісі болып табылады. Дәлел ретінде, біздің станциямыз «Альстом» фирмасының тиімділігі жоғары электр сүзгілерін орнатуды жүзеге асырғандардың бірі болды, бұл - станцияның атмосфераға  таралатын шығарындыларын азайтуға, осылайша Павлодар облысы өңіріндегі экологиялық жағдайды жақсартуға айтарлықтай әсер етуімізге мүмкіндік берді. Электр энергиясын шекті тарифтер бойынша сату жабдықтарды одан әрі жаңғырту және қалпына келтіру үшін қажетті барлық шарттарды жасады, осыған орай, станцияны дамыту үшін инвестициялық салымдар елеулі түрде өсті. 2008 жылдан бастап негізгі капиталға ҚҚС-ны есептемегенде,  барлығы 101,5 млрд. теңге сомасында инвестиция салынды. Соның ішінде «№3 блокты салу арқылы ЕГРЭС-2-ні кеңейту және қайта жаңғырту» жобасын іске асыруға – ҚҚС есептемегенде 39,4 млрд. теңге. Осылайша, аталған жылы Екібастұз ГРЭС-2 №1, 2 электр сүзгілерінен шығатын құрғақ күлді іріктеу және сату бойынша тағы бір маңызды инвестициялық жобаны қолға алды.

Энергетиктер қай кезде де ұжымның басты қазынасы болған және болып қала береді. Соңғы бес жыл ішінде еңбектегі жетістіктері мен кәсіби шеберлігі үшін Екібастұз ГРЭС-2-нің 100-ден астам қызметкері «Еңбек сіңірген энергетик», «Құрметті энергетик», «ТМД энергетигі» және «Энергетика ардагері» атақтарын иеленді.

Бүгінде, барлық қиыншылықтарға қарамастан, ГРЭС екі блокты режимде жұмыс істеуді жалғастыруда және барынша жоғары жүктемемен жұмыс істеуде, соның нәтижесінде тұтынушыларды электрмен сенімді жабдықтауды қамтамасыз етіп отыр. Өз кезегінде, бұл компанияның өндірістік және қаржылық қана емес, әлеуметтік міндеттемелерді де орындауына мүмкіндік береді. Станция ұжымы келешекке сеніммен қарайды, біздің мақсатымыз – үздіксіз жұмыс істеу және барлық көзделген жоспарларды табысты іске асыру

Өндірістік қызметтің қорытындылары

Экологиялық көрсеткіштер

^{Компания туралы барынша толық ақпаратты мына сайттан аласыздар: www.gres2.kz.}

---

«Алматы Электр Станциялары» АҚ

(«Самұрық-Энерго» АҚ - 100 %)

Біздің компания Алматы қаласы мен Алматы өңірінің тұтынушыларын 70% электр энергиясымен, 76% жылу энергиясымен қамтамасыз ете отырып, тұрғын үйлерде, қоғамдық, мәдени-тұрмыстық және өзге мекемелерде қолайлы ахуал қалыптастырып отыр. Компанияның құрылымына 1-ЖЭО, 2-ЖЭО, 3-ЖЭО жылу станциялары; Батыс жылу кешені; Қапшағай және Каскад СЭС гидростанциялары; «Энергия жөндеу» өндірістік жөндеу кәсіпорны, Отынды қабылдау және түсіру орталығы кіреді.

Мемлекеттің ең ірі мегаполисінің жылу мен электр энергиясына барлық мұқтаждықтарының 2/3-ін қамтамасыз ете отырып, біздің компания атмосфераға шығарылатын барлық ластағыш заттар шығарындыларының 11%-ын ғана таратады.

Соңғы бес жыл ішінде компанияның активтері 
27 млрд. теңгеден 95 млрд.теңгеге дейін 3,5 есе өсті. «Алматы электр станциялары» АҚ-да энергия үнемдеу және энергия тиімділігі мәселелеріне айрықша назар аударады: электр энергиясын өндіру өсті; сүзгілеу кезінде су ысырабы азайды, электр энергиясын босату үшін шартты отынның үлестік шығыны азайтылды. Энергия тиімділігін арттыру бойынша ауқымды тәжірибелік жұмыс жүргізіледі: энергия көздері арасында жылу жүктемелері қайта үйлестірілді, энергияны үнемдеуге үш сатылы бақылау енгізілді, өнертапқыштық жұмыс жаңартылды, электр энергиясын коммерциялық есепке алудың автоматтандырылған жүйесі ендірілді.

Таяу болашақта Алматы қаласы мен Алматы өңірінде экологиялық жүктемені азайту үшін Компания 1-ЖЭО‑да газ турбиналы құрылғыларын салу жобасын іске асыру мәселесі көзделіп отыр, сондай-ақ Қазақстан Республикасы Президентінің тапсырмасына сәйкес ЖЭО-2-ні газға көшіру жолдары қарастырылуда.

Қаржы көрсеткіштері

Өндірістік қызметтің қорытындылары

Экологиялық көрсеткіштер

2011-2017 жж. аралығындағы шығарындылар мен лақтырындылар динамикасы

^{Компания туралы барынша толық ақпаратты мына сайттан аласыздар: www.ales.kz}

---

«Ақтөбе ЖЭО» АҚ

«Ақтөбе ЖЭО» АҚ табиғи монополиялар саласында жылу энергиясын өндіру қызметін жүзеге асырады және электр энергиясын жеткізудегі көтерме сауда нарығында басымдыққа (монополиялық)  ие.

Кәсіпорынның негізгі стратегиялық мақсаты мен жоғары деңгейдегі міндеті жөндеу науқандарын уақытылы жүргізу, станцияның негізгі және қосалқы жабдықтарын қайта құру мен жаңғырту арқылы Ақтөбе қаласын және өңірдің өндірістік аймағын жылумен үздіксіз қамтамасыз ету болып табылады.

Станцияда білікті мамандар жұмыс істейді, заманауи технологиялар ендіріледі, мемлекеттің энергетикалық қауіпсіздігінің маңызды міндеттері шешіледі. Біз осы міндеттердің барлығын энергия өндіру кезінде табиғатқа деген ұқыптылық пен тиімділікті мейлінше қамтамасыз ете отырып жүзеге асыруға тырысамыз.

Станция ұжымының қалыптасқан басты дәстүрлерінің бірі – өз ісіне деген берілгендік пен жинақталған білім мен тәжірибені сақтауға деген зор жауапкершілік, оларды ұрпақтан-ұрпаққа табыстау аманаты.

Сондықтан да дәл осы сабақтастық мемлекеттің өркендеуіне бағытталған ортақ жоспарларымызды іске асырудағы табыс кепілі болып табылады.

Қаржы көрсеткіштері

Өндірістік қызметтің қорытындылары

---

«Балқаш ЖЭС» АҚ (салынып жатқан)

(«Самұрық-Энерго» АҚ - 50% - 1 акция, Samsung C&T Corporation 50% +1 акция)

Қазақстан Республикасында Электр энергетикасын дамытудың 2030 жылға дейінгі бағдарламасына сәйкес, 2007 жылы 4000 МВт-ға дейін арттыру мүмкіндігі бар қуаты 3000 МВт-қа дейінгі Балқаш ЖЭС салу туралы шешім қабылданды Балқаш ЖЭС салу алаңы Балқаш қаласынан оңтүстікке қарай, Үлкен ауылында орналасқан. Балқаш ЖЭС-ін салу қажеттілігінің негіздемесі Қазақстан халқының 40%-дан астамы тұратын Оңтүстік аймақта электр энергиясы мен қуаттың тапшылығымен негізделеді.

Жоба жылына 10,5 млрд кВтсағ қуат өндіру арқылы ҚР-да электр энергиясының тапшылығын жабу мақсатында қуаты 1 320 МВт екі блокты модуль салуды көздейді.